دليلك لحياة صحية بعد سن الـ 40 في الجسم والعقل والروح | نصائح و معلومات طبية سهلة

ازاي أحافظ على صحتي بعد سن الأربعين؟ نصائح طبية و ارشادات صحية تهمك

أهلا بك في الأربعينات. الوصول إلى سن الأربعين هي أهم فرصة و أكتر فرصة حاسمة عشان تحول حياتك لحياة صحية و حيوية أكتر .

بالرغم من أن سن الأربعينيات هو أكتر سن مثالي للشخص عشان ياخد نفسه و يركز إنه يعيش حياته بطريقة منتظمة. إلا أن البعض بيوصل في السن ده لأقصى درجات الشغل و الضغط.  و بيميلوا لفقدان السيطرة على صحتهم و نمط حياتهم. و من هنا بتظهر مشاكل سن الاربعين عند الرجال و النساء. الحياة المثالية معناها الاهتمام بكل جانب من جوانب نفسك زي الجسم و الروح و العقل. و الـ 3 جوانب دول مرتبطين ببعضهم. مثلا اهتمامك أو إهمالك لعنصر “الجسم” هيأثر على باقي الأجزاء (العقل ، الروح)

صحة جسم المرأة و الرجل في سن الاربعين

جسمك هو المدخل لعقلك و روحك و لازم تعتني بيه و تراعي احتياجاته. مجموعة النصائح دي هي نصائح صحية للجسم و ازاي نحافظ عليه من مشاكل سن الأربعين و الأمراض الوراثية

معرفتك بقياسات السكر و الضغط و الوزن و الكولسترول

من أهم النصائح لسن الأربعين هي الاهتمام بقياس ضغط الدم، ومستوى الكولسترول، و وزن الجسم و معدل السكر الطبيعي في الدم. و بيكون على هيئة فحص منتظم مع دكتورالأسرة. الدكتور ده بيكون متابع تطورات صحة جسمك و على علم بتاريخك الصحي و احتمالات أي أمراض وراثية. يمكن توفير التحاليل و الفحوصات في منزلك في أي ميعاد بكل سهولة و يسر. بعض الأمراض زي مرض السكر بتحتاج تحاليل و فحوصات مختلفة و  في الغالب بتكون بسيطة. مثلا تحليل السكر التراكمي . ممكن تلاقي تفاصيل أكتر تطمنك من أعراض ارتفاع السكر في الجسم.

معرفتك بتاريخ أسرتك الصحي و تاريخ الأمراض الوراثية

معرفة تاريخ الأسرة الصحي و متابعة الفحوصات اللازمة من أهم عوامل الاكتشاف المبكر. و ده من أول الخطوات اللي بتساهم في القضاء على أمراض مزمنة أو أمراض وراثية كتير .

الاهتمام بالتغذية واللياقة أو الحركة اليومية

“هبدأ دايت و تمارين بكرة”! الجملة اللي ناس كتير بتقولها قبل ما يكونوا واضحين مع نفسهم و مؤمنين بأهمية النظام الغذائي الصحي و الحركة اليومية. النية ضرورية بس الصبر و التحفيز و الإصرار على الوصول للهدف أهم. سواء بنظام ريجيم صحي و متوازن أو معدل حركة يومية بسيط. بلاش تأجيل و نبدأ من دلوقتي. حتى ولو بتخفيض استهلاك السعرات بمعدل 5 سعرات في اليوم و اختيار على الأقل نوعين من الأكل الصحي في الدايت. أغلب المشاكل الصحية اللي بيعاني منها الأشخاص في الأربعين هي السمنة و ضعف عضلة القلب. بالتالي أي نظام غذائي لإنقاص الوزن أو التحكم فيه هو خطوة أساسية لحياة صحية أكتر. و الأهم من كل ده هو توفير قسط كافي من النوم و الراحة لجسمك .

الإقلاع عن التدخين لصحة الجسم

التدخين يعتبر عادة نفسية سلبية. في حالة الاستمرار في التدخين بعد سن الأربعين، ضروري جدا تلاقي وسيلة تساعدك على ترك التدخين بالتحكم في عدد السجائر بالتدريج اسبوعيا. لازم يكون عندك خطة قصيرة المدى للإقلاع عن التدخين و خطة طويلة المدى عشان تمنع أي انتكاسة ممكن تحصل.

 صحة و حيوية العقل في سن الاربعين

مع التقدم في السن يشعر البعض بنسبة من القلق و الضغط. و ده بيأثر على طريقة عمل عقلك و بالتالي هيأثر على باقي الجوانب الرئيسية؛ روحك و جسمك. في طرق كتير لتفادي أعراض سن اليأس. النصائح دي مثبتة علميا هتساعدك على التحكم في مستوى التوتر :

  • التمارين والرياضة مفيدين لتحسين صحة الجسم و تقليل مستوى التوتر والضغط.
  • كلنا نفسنا نهرب من الواقع شوية كل فترة ، القراءة هي أحسن طريقة عشان نوصل لكده.
  • اليوجا و التأمل ببساطة لهم تأثير إيجابي واضح و مثبت علميا على عقلك و جسمك و روحك.

 

الروح و أهمية الصحة النفسية

ناس كتير ماتعرفش أهمية الإهتمام بالروح و الصحة النفسية. روحك هي مصدر العاطفة. و عواطفك لها تأثير كبير على عقلك و جسمك. الاهتمام بالروح بيساعد على الوصول للسلام النفسي أو الراحة النفسية و السكينة اللي بنبحث عنهم طول حياتنا. النصائح التالية هتساعدك على الشعور بالهدوء و الراحة النفسية:

  • ترتيب اهتماماتك و تحديد اولوياتك أول خطوات الصفاء الذهني.

تحديد اولوياتك و كتابة أهداف معقولة ممكن تحقيقها في المدى القريب خطوة حيوية هتجنبك احساس التهرب من البداية في الطريق. و هتساعدك على الارتقاء بمستوى الصفاء الذهني. ممكن نرسم طرق و احتمالات بسيطة للوصول لأهدافنا

  • الحد من استهلاكك لوسائل التواصل و البقاء في الواقع.

الانطلاق و التواصل مع العالم المحيط بك و الاستمتاع بجميع التفاصيل بيجددوا نشاطك

  • نحاول نقضي وقت أطول مع الناس اللى بنحبهم.

ماتخليش شغلك يأثر على علاقتك بأصحابك و أهلك

  • ما ننساش ندخّل الموسيقى في حياتنا.

أهمية الموسيقى لا يستهان بيها و بالتحديد من الجانب الصحي. كل شئ في الدنيا أفضل بالموسيقى خصوصا لأن موجات و ترددات النغمات بتساهم في تخدير الخلايا العصبية. و بالتالي بيلجأ البعض لطرق العلاج بالموسيقى لتحقيق الراحة النقسية

اتفقنا ازاي نحافظ على الصحة العامة بعد سن الأربعين؟

الـ 3 جوانب اللي ذكرناهم فوق (روحك – عقلك – جسمك) مرتبطين ببعض. خلي بالك من كل جانب منهم عشان هيأثر على باقي الأجزاء. طبيبي 24/7 بيساعدك كمان تخلي بالك منهم عن طريق برامج التأهيل النفسي و البدني للكبار و الصغار. و دي برامج مبنية على مقاييس علمية و مفيدة. خصوصا لو فرد من الأسرة هيبدأ مرحلة جديدة من حياته زي العمل أو الدراسة أو حتى السفر. أخصائي علم النفس في طبيبي 24/7 مستعد يسمعلك و يطمنك و عارف تأثير ضغوط أو تطوراتك الحياتية على كل جزء في جسمك. و بالتالي يقدر يعالج أغلب المشاكل الصحية قبل و بعد سن الأربعين. يا ريت نتشرف بسؤالك عن برامج التأهيل النفسي و خدماتنا الطبية على صفحتنا بالضغط هنا

أو بالضغط هنا للتسجيل على موقعنا