صحة كبار السن

الرئيسية / صحة كبار السن

 

بنهتم بصحة المسنين والبالغين و بنتابعهم 24 ساعة . دكاترة طبيبي هيساعدوا في الوقاية والتشخيص و الاكتشاف المبكر بالنسبة لكبار السن في الأسرة

بنكبر و بتزيد مسؤولياتنا و بيقل اهتمامنا بالوقاية والصحة العامة. ممكن نحس بأعراض وآلام مش عارفين مصدرها.  زي مثلًا آلام في الصدر،”ألم في الجانب الأيسر من الظهر أو في الكتف الأيمن لما نتنفس”. لما نحس بألم بالشكل ده بيبقى صعب على المريض انه يحدد الدكتور المعالج أو المتخصص المناسب. والسؤال اللي بيطرح نفسه في الوقت ده هو ايه المرض اللي  ممكن يكون سبب مباشر لألم من النوع ده؟ هل ده بيستدعي دكتور باطنة ولا دكتور عظام و لا بيحتاج دخول المستشفى لأنه بيكون مؤشر لحالة طارئة زي أعراض جلطة في القلب مثلًا؟ كثير من المشاكل الصحية محيّرة فعلًا و طلب المساعدة من الأقارب أو الصيدلي أو الدكتور الغير مناسب للحالة هيكون السبب الأساسي في ضياع الوقت و تخويف المريض من غير ما يوصل للتشخيص السليم

 

إدارة الأمراض المزمنة:

الأمراض المزمنة زي مرض السكر، ارتفاع ضغط الدم أو اضطرابات أمراض المناعة أو أي حالة مرضية مزمنة بتحتاج ادارة و حذر في نمط الحياة. دكاترة طبيبي  بيعالجوا آلام كبار السن و بتساعدك في الحفاظ على استقرار حالتهم الصحية بجانب تغيير روتينهم اليومي. ودايمًا بنفكر المريض و أسرته بعمل الفحوصات الدورية لأن الفحص المستمر للأمراض اللي بتظهر مع التقدم فى السن من أهم عوامل الاكتشاف المبكر. الدكتور اللي بيتابع حالة المريض هيساعدك على فهم التاريح المرضي و أفضل خطة للعلاج تكون الأسرة كلها على فهم و اطمئنان بيها. أما  في الحالات الطارئة  فأول حاجة  بنقوم بيها هي التحويل على مختص أو استشاري تحت اشراف دكتور “طبيبي” المتابع للحالة. و ده راجع  لقوة شبكة الأطباء اللى بتمتد لجميع التخصصات.

أول برنامج متابعة صحية 24 ساعة لمرضى السكر فى مصر

ممكن لأي حد في الأسرة يسجل فى برنامج طبيبي المتكامل لإدارة مرض السكر. دكتور طبيبي اللي متابع الحالة بيفكرك بمواعيد فحوصات المريض، اختبارات الدم وأي مؤشرات مرضية تستحق الانتباه. ممكن الاستفسار عن برنامج إدارة مرض السكر بإرسال سؤالك لنا

التمريض والرعاية المنزلية

التمريض و الرعاية المنزلية لكبار السن حلّوا محل دور رعاية المسنين اللي ممكن تكون سبب في القلق على أهلنا . طب كبار السن تخصص طبي موجود في طبيبي من أول ما بدأنا. التخصص مبني على المقاييس البريطانية لطب الأسرة تحت اشراف مؤسسة PCI. الدكتور المتابع للحالة بيكون مطلع على جميع التخصصات الطبية وعلاقتها ببعضها البعض. فبالتالي هو قادر عملياً على علاج أي ألم أو مشاكل صحية أو أمراض مزمنة كنتيجة للتقدم في السن. في حالة التمريض المنزلي بنبعتلك ممرضة محترفة للمساعدة تحت الإشراف المستمر من الطبيب المتابع للحالة. الدكتور بيتفق مع المريض و أسرته على خطة علاج واضحة و بيتأكد انهم على اطمئنان بيها. خدمات التمريض متوفرة 24 ساعة وبيتم تحديدها على حسب احتياجات كل فرد. لطلب زيارة منزلية أو تمريض أو كشف طب مسنين

خدمات التمريض و الرعاية المنزلية للمسنين بتشمل جانب شخصي و إنساني زي المساعدة في

  • ارتداء الملابس
  • الاستحمام
  • تحضير الطعام والأدوية
  • تنسيق الحركة

الزيارات المنزلية و الكشف المنزلي

بنوفر زيارات منزلية 24 ساعة في أي مكان في القاهرة الكبرى عشان نوفر علي كبار السن تعب النزول من البيت خصوصاً لو عيانين. الزيارات المنزلية متوفرة في كل الإجازات وفي جميع  الظروف حتى في مطر آو تراب!

الحالات الطبية للعمليات الطارئة

هنقوم بمرافقة المريض وإيداعه في إحدى المستشفيات اللي في شبكتنا لو الحالة تستدعي، وهنكون دايمًا معاكم في كل خطوة

تقديم الرعاية و المساعدة بعد الخروج من المستشفى

بعد خروج كبار السن من المستشفى، بيكون عندهم أسئلة بدون إجابات ، وبيكون صعب الانتظام فى تناول الأدوية من البداية، وده سبب كافي إنه يعرضهم للقلق أو الانتكاس. الدكتور الخاص بالحالة بيقوم بتنظيم وتخطيط كل الاحتياجات الخاصة بكبار السن و بيساعدهم على الانتظام في تناول الأدوية من جديد ورفع معنوياتهم وده بيساهم فيلتحسن صحتهم للأفضل.

تركيب المحاليل لإعادة توازن السوائل بالجسم

بنوفر خدمات تركيب المحاليل للمرضى المصابين بالجفاف أو لتوصيل الأدوية عن طريق الحقن مع المتابعة الصحية المستمرة لمدى فاعلية العلاج أو تعديله لو استدعى الأمر

خدمات التطعيم و التحاليل و الأشعة في البيت

طبيبي بالشراكة مع أكبر بيقدم خدمات معملية زي التحاليل و التطعيمات و الأشعة كمان لحد بيتك! وده للتسهيل على المرضى قدر الإمكان. المريض بيقدر يعرف نتائج الفحوصات من البيت و بيتم اضافتها لسجله الطبي في قاعدة طبيبي.

يرجى ملئ البيانات لحجز زيارة منزلية أو رعاية كبار السن بالمنزل أو كشف عيادة