طبيبى ۲٤/٧

أعراض السكري وكيفية تجنب مخاطره

أعراض السكري وكيفية تجنب مخاطره
مرض السكري مش بيفرق بين كبير وصغير وكل سنة بيزيد عدد الناس اللي تم تشخيصهم بالسكري على مستوى العالم. وفرص الإصابة كمان أعلى في مصر وخاصة بعد تصنيفها مؤخرًا من ضمن أعلى عشر دول من حيث الإصابة بداء السكري. في المقالة دى هتلاقي كل المعلومات عن داء السكري وأنواعه وكمان كل حاجة تنبهك لو ممكن يجيلك أو عندك سكري.

ايه هو داء السكري؟
عشان نقدر نفهم مرض السكري لازم نعرف الأول يعني ايه سكري؟ ببساطة السكري هو مجموعة من أمراض التمثيل الغذائي أو المعروف بمصطلح معدل الحرق. الشخص المصاب بالسكري مبيقدرش يفرز هرمون الإنسولين بشكل كافي من البنكرياس واللي بيكون مسئول عن ظبط معدل السكر في الدم ودة بيخلي مستويات السكر في الدم توصل لمستوى عالية. وبجانب عجز البنكرياس ممكن السكر يزيد في الدم لو كرات الدم فيها خلل وبالتالي تقاوم تأثير الإنسولين بدل التجاوب معاه.

3 أنواع للسكري:
السكري من النوع الأول:
أكتر حاجة بتميز النوع دة من السكري هو إن الجسم فيها مش بيقدر ينتج الإنسولين وعشان كدة بيطلق عليه السكري المعتمد على الإنسولين أو السكري حديث الاكتشاف. غالبًا النوع الأول للسكري بييجي من فوق سن العشرين بس برده ممكن ييجي لسن أصغر. النوع دة بيشكل 10% من حالات الإصابة بالسكري.

السكري من النوع التاني:
الجسم هنا مبيقدرش ينتج كفايته من الإنسولين وبالتالي كمية الإنسولين بتبقى منخفضة جدًا أو خلايا الدم بيكون فيها خلل وبتبقى مقاومة لتأثير الإنسولين وفي الحالتين نسب السكر في الدم بتكون عالية. 90% من حالات الإصابة بالسكري بتكون من النوع التاني.

سكري الحمل:
بيتم اكتشافه وتشخيصه أثناء فترة الحمل. الحالة دي بتحصل لما السكر بيرتفع في الدم في فترة الحمل لدرجة إن الجسم بيفقد قدرته على إنتاج الإنسولين الكافي لنقل السكر في الدم. حوالي 10% من الحوامل بيجيلهم سكري الحمل.

مرحلة ما قبل السكري:
التصرف السريع بيحمي من الإصابة بالسكري

كتير ممكن نعدي بفترة يكون فيها معدل السكر في الدم أعلى من المعدل الطبيعي بس دة مش سبب كافي لتشخيص داء السكري.

المرحلة دي مهمة جدًا عشان بتكون مؤشر لاحتمال الإصابة بالسكري بس ممكن نتجنب أي مضاعفات أو مشاكل صحية بعد الاكتشاف المبكر.

المؤشرات اللي تعرفك لو يلزم عمل تحليل السكري:

أعراض السكري:

التبول المتكرر خصوصا فترة الليل
العطش المفرط
فقدان الوزن الغير مبرر وكمان خسارة الكتلة العضلية
الجوع الشديد
تغير مفاجئ للرؤيا
تنميل اليد والأرجل
جفاف البشرة
التئام الجروح ببطء
للأسف مش شرط تظهر بوادر السكري عند كل الأفراد. بس فيه عوامل بتزيد فرص الإصابة بالسكري.

عوامل الخطر للإصابة بالسكري من النوع التاني:

1-   التقدم في السن (فوق 45 سنة)

2-   السمنة المفرطة

3-   وجود تاريخ مرضي في الأسرة

4-   الإصابة بالسكري في حمل سابق (ودة عشان  التشخيص بسكر الحمل بتزيد فرص الإصابة بالسكري بنسبة 35% إلى 60% في خلال 7-20 سنة)

5-   ضعف تحمل الجلوكوز (ارتفاع السكر في الدم مع مقاومة الإنسولين)

6-   الخمول وقلة الحركة البدنية

تحاليل السكر بتساعد على اكتشاف بوادر السكري وكمان بتساعد على تأخير أو حتى منع تطور النوع الثاني من السكري.

تحليل وتشخيص السكري:
اكتشاف داء السكري بيتم بعد إجراء تحاليل الدم. والأحسن إننا نعمل التحليل عند المتخصصين عشان نضمن دقة جهاز تحليل السكر ودة عشان فيه أجهزة في السوق مش بتكون دقيقة لتشخيص السكر.

التحاليل المطلوبة لتشخيص داء السكري:

FPG Test تحليل السكر الصيامي:
يفضل عمل التحليل الصبح وبعد صيام 8 ساعات. يعني التحليل دة لازم يتعمل بعد الامتناع التام عن الأكل والشرب بس مسموح بشرب كمية بسيطة من الماية.

A1C تحليل السكر التراكمي:
تحليل السكر التراكمي أو الهيموجلوبين السكري هو أفضل تحليل لكشف داء السكري. ودة عشان بيكشف معدل السكر في الدم في أسرع وقت وكمان بيوضح رؤية شاملة لمدى تحكم المريض في معدلات السكر في الدم طوال شهرين أو تلاتة قبل التحليل. أيضًا يطلق على هذا التحليل A1C أو HbA1C أو glycated hemoglobin أو  glycosylated hemoglobin.

التحليل دة مش بيحتاج للصيام بس لازم الطبيب المعالج يطلب تحليل للدم ودة عشان وجود الانيميا أو أي مشاكل تانية في الدم بالإضافة إلى عامل السن بيأثر على نتيجة التحليل. نتيجة التحليل بتظهر على شكل نسب مئوية وكل ما كانت النسبة أعلى كل ما كان معدل الجلوكوز في الدم أكبر.

RPG Test تحليل السكر العشوائي
بعد ملاحظة أعراض مرض السكري ممكن الطبيب يطلب تحليل السكر العشوائي لتشخيص المرض. التحليل دة مش بيحتاج للصيام وممكن عمله في أي وقت من اليوم.

تحليل تحمل الجلوكوز
يفضل عمل التحليل أثناء الحمل لمعرفة مدى قابلية الجسم للتعامل مع الجلوكوز.

دكاترة طبيبي مستعدين لعمل كافة تحاليل السكر في عيادات طبيبي أو من البيت في أي مكان في القاهرة الكبرى باستخدام أحدث الأجهزة لقياس السكر بنسب دقيقة .للحجز: 16724