طبيبى ۲٤/٧

يوميات الحفّاظات. لون براز طفلك بيعبّر عن ايه وإمتى يكون مؤشر للمرض؟ اعرفي العلامات و ازاي تتصرفي

لون براز طفلك بيعبّر عن ايه؟ اعرفي العلامات و ازاي تتصرفي
يا ترى شفتي حفاضة طفلك النهاردة؟ تعرفي إن ممكن من محتويات الحفاضة تعرفي صحة ابنك كويسة ولا لا؟

ممكن يساعدك لون محتويات الحفاضة إنك تعرفي إذا حركة المعدة بتشتغل بشكل طبيعي ولا لا أو تديكي تحذير بأي مشكلة ممكن تكون موجودة فعلًا.

لون براز طفلي ممكن يبقى معناه إيه؟
الأسود : اللون ده ممكن تشوفيه في الأيام الأولى من حياة طفلك. بيكون ناتج عن خلايا الجلد والمخاط والسائل الأمنيوسي (السائل اللي بيسبح فيه الجنين في الرحم طول فترة الحمل) اللون ده بالتدريج بيختفي مع بداية الرضاعة.
أصفر فاقع : اللون ده هتشوفيه مع بداية الرضاعة الطبيعية ودي علامة إن الحليب بيتحرك بسلاسة في جهازه الهضمي وإن كل أعضائه بتشتغل بشكل طبيعي.
أخضر : اللون ده علامة على إن الحليب بيتحرك ببطء في جهازه الهضمي أما إذا جه معاه سيلان ومخاط أو حمى لازم تستشيري دكتور أطفال فورًا.
بني: اللون ده نتيجة إنه ابتدا ياكل وبدأت معاه عملية الهضم مع الرضاعة وبرضه بيعتبر علامة إن الحليب بيتحرك ببطء في جهازه الهضمي.
الأحمر: ممكن تشوفي اللون ده إذا الأكل اللي بتقدميه لابنك كان فيه لون أحمر لكن لو مكنش في أي  لون أحمر فلازم تتصلى فورًا بدكتور الأطفال الخاص بيكِ.
أبيض: اللون ده هتشوفيه لو طفلك بيعاني من مشاكل في الهضم وممكن يبقى علامة على نقص المادة الصفراء اللي بينتجها الكبد وده بيصعّب عملية الهضم عنده.  في الحالة دي يفضّل انك تستشيري دكتور الأطفال فورا.
إيه هي أسباب الإسهال عند الأطفال:
إسهال الأطفال بيحصل نتيجة إن جهاز الطفل المناعي أضعف بكتير من الجهاز المناعي للبالغين عشان كده بيبقى معرّض أكتر لمشاكل المعدة

الحساسية من اللبن أو البيض أو الفول السوداني.
المضادات الحيوية
البيئة المش نظيفة والطفل عادة بيحط أي حاجة في الأرض على بوقه .
فيروس الروتا : فيروس بيصيب الأطفال أقل من سنتين.
هتلاقي بعض العلاجات المنزلية اللي ممكن تساعدك على تخفيف إسهال طفلك زي:
علاج جفاف الفم عند طفلك: هي الخطوة الأهم في علاج الإسهال عند الأطفال. وضروري جدًا إنك تشوفي أعراض الجفاف على طفلك زي مثلًا جفاف الفم والحلق، العطش، نقص إدرار البول. لو شوفتي الأعراض دي ضروري  تغلي لتر مايه و تخليه يبرد وبعد كده ضيفي عليه ست ملاعق صغيرة من السكر وملعقة صغيرة من الملح لحد ما يدوب بشكل كامل قدميه لطفلك على فترات منتظمة عشان تعوضه عن فقدان الأملاح والسوائل في جسم وده عادة بيتقدم للأطفال من عمر شهرين .
الموز: سهل في الأكل، غني بالبوتاسيوم وفيها كل العناصر الغذائية اللي بيحتاجها جسمه. ممكن تستخدميه  مهروس عشان يبقى أسهل في الهضم على طفلك، كمان الموز غني بالكالسيوم والحديد والزنك والمغنيسيوم وفيتامين أ، مسموح تقدميه للأطفال من عمر 6 شهور.
ماء جوز الهند: مفيد جدًا في تجديد السوائل المفقودة من جسم طفلك، ممكن تديه لطفلك من مرتين لتلات مرات في اليوم على الأقل، من عمر 7 شهور، غني بفيتامين سي، مغنيسيوم، منجنيز، بوتاسيوم، صوديوم و كالسيوم .
جوزة الطيب: قطّعي تفاحة واغليها لحد ما تبقى طرية بعد كدة ضيفي لها ملعقة صغيرة من السكر و رشه من جوزة الطيب وقدميها لطفلك من عمر 10 شهور.
  طبيبي  دكاترة أطفال طبيبي موجودين 24 ساعة في أي مكان في القاهرة الكبرى سهرانين على راحة أسرتك. للحجز : 16724 أو واتس اب 01115001247.