طبيبى ۲٤/٧

التهاب و ألم المفاصل: أعراض و نصايح تفيدك في تخفيف ألم كبار السن

التهاب و ألم المفاصل: أعراض و نصايح تفيدك في تخفيف ألم كبار السن
باختلاف المراحل العمرية واختلاف الفصول بنكون عرضة بشكل أكبر لآلام المفاصل وده ممكن يرجع لأسباب مختلفة منها إن الألم يكون ناتج عن مرض مزمن أو يكون في إصابة فعلًا نتيجة تمزق في الأربطة أو تمزق عضلي . كلنا بلا استثناء عرضة للإصابة بآلام من النوع ده.

لكن على وجه الخصوص الحالة دي بتبقى منتشرة عند كبار السن وده ممكن يكون راجع لهشاشة العظام أو زيادة الوزن أو التهاب المفاصل الروماتويدي بس للأسف في أغلب الوقت بيتم تجاهل الأعراض وده ممكن يؤدي لتدهور الحالة.

هتلاقي الأعراض دي واضحة على كبار السن في أسرتك لو حد فيهم عنده الآلام و الالتهابات دي زي مثلًا إحساسه بتيبس المفاصل أو ألم متلازم مع الأنشطة الروتينية زي المشي ، الانحناء وده ممكن يستمر حتى في وقت الراحة أو النوم.

هشاشة العظام
العظم هو عبارة عن أنسجة حية بتتحلل وبيتم استبدالها باستمرار وده اللي بيساعد في استعادة شكل العظام والتئامه لما بنتعرض لأي إصابة . وبتحصل هشاشة العظام  نتيجة انخفاض نسبة الكالسيوم اللي بيؤدي لتقلص كثافة العظم واللي مع الوقت بيتحول لهشاشه وبيخليها سهلة كسر.

بتبدأ الأنسجة في المفصل بالارتخاء أو بيختفي الغضروف كليًا من المفصل وبينتج عنه احتكاك العظام ببعضها البعض.

المناطق المتضررة: اليدين ، العنق ، أسفل الظهر  أو الركبتين والوركين.

الأسباب:

تاريخ العائلة المرضي(وراثي).

زيادة الوزن.

نتيجة الإصابة المتكررة.

إصابات المفاصل و التهاب المفاصل الروماتويدي. (RA)
يصيب التهاب المفاصل الروماتويدي الغشاء الزلالي الذي يغلف المفصل

وده بيسبب التهاب وألم وتورم وتصلب في المفصل ، وممكن تنتهي لاقدر الله إلى تشويه شكل المفصل..

المناطق المتأثرة:

أي مفصل زي الأصابع و الرسغين والكتفين والمرفقين والوركين والركبتين والكاحلين والقدمين والرقبة.

وممكن  تهاجم أعضاء بعينها زي القلب والعضلات والأوعية الدموية والجهاز العصبي والعينين.

الأسباب:

حتى اليوم مش معروف أسبابه.  لكن ممكن  يكون التهاب المفاصل الروماتويدي  نتيجة عوامل وراثية أو بسبب النمط الروتيني لأسلوب الحياة نفسه زي التدخين أو العوامل البيئية.

نقرس
نوع من أنواع التهاب المفاصل. وعادة بيظهر نتيجة ارتفاع مستوى حمض اليوريك في الدم عن الحد الطبيعي. بعدها بيبدأ بالتسرب على شكل بلورات في المفاصل والكلى و اللي  بيؤدي لآلام حادة في المفاصل.

و بيأثر بشكل مباشر على إصبع القدم الكبير. و بيكون نتيجة الإفراط في تناول اللحوم أو الفول أو زيادة ملح الطعام .

حمض اليوريك في الوضع الطبيعي بيكون ذائب في الدم. و بيخرج من الجسم عن طريق الكلى مع البول، لكن في حال حدوث خلل في تصريفه عبر الكلية أو إنتاج كمية كبيرة منه، بيترسب حمض اليوريك على شكل بلورات إبرية حادة في المفاصل والأنسجة المحيطة و بينتج عنه آلام والتهاب في المفاصل.

الأسباب:

ممكن نربط النقرس باستهلاك أطعمة زي: المحار ، الكبد ، الفاصوليا المجففة ، البازلاء ، الأنشوجة ، المرق أو الكحول

و زيادة الوزن ممكن تخلي النقرس أسوأ مما هو عليه في العادة.

بعض الأدوية زي أدوية ضغط الدم ممكن تزود فرص حدوث النقرس.

في أنواع تانية من التهاب المفاصل زي التهاب المفاصل التفاعلي واللي ممكن يحصل كرد فعل لمرض تاني في الجسم والتهاب المفاصل اللي بتربط عظم الفك بالجمجمة( بس كل الأنواع المذكورة هي المنتشرة أكتر بين كبار السن).

علاجات طبيعية
التهاب المفاصل شيء لا مفر منه. وكلنا عرضة لآلام من النوع ده  لكن ممكن نقي نفسنا وأهلنا باتباع بعض الخطوات لمنع النوع ده من الآلام  الحادة.

استخدام الكركم:
مهم جدًا إنك تضيفه بصفة مستمرة للوجبات اليومية بيساعد على  تخفيف آلام المفاصل والحد من الالتهاب.

التدليك:
 التدليك بيساعد في تخفيف آلام العضلات والمفاصل. عشان كده يفضل تتعلموا أسسه أو تستعين بمتخصص لأنه بيعتبر علاج كويس للمفاصل خصوصًا لكبار السن. هيساعدهم على تحسين نطاق الحركة وده هيأثر على تخفيف حدة الألم والتصلب مع الوقت.

تمرين منتظم:
ممارسة الرياضة بتقوي مفاصل الجسم (خاصة الركب والأكواع).

دايمًا نتأكد من إنهم  بيلبسوا أحذية مبطنة وإنهم بيمشوا على أسطح ناعمة
كمان الاستحمام المنتظم الطويل الدافئ وقربة المايه السخنة أثناء النوم  بتساعد على تخفيف تيبس العضلات والمفاصل.
و استخدام أكياس الثلج أو  حتى مجرد كيس من الخضار المجمد  بيساعد جدًا على تخفيف آلام المفاصل ولو حتى بشكل مؤقت.
ممارسة الهوايات زي التفصيل أو التريكو بيساعد في تخفيف آلام المفاصل و بيمرن مفاصل اليد والأصابع.
لو النصايح دي مش مساعدة يفضل نستشير دكتور. دكاترة و ممرضين طبيبي موجودين ٢٤  ساعة في كل الأيام و الأجازات صبح و ليل في القاهرة الكبرى سهرانين على راحة أسرتك. للحجز: 16724 أو واتس اب 01115001247